هذا الموت جسر للا نهايه اعليه كل مات هذا الموت هاجس يبتدينه ابلحضت التكوين ويرافكنه العمر من غير ظجه وصوت على جف المنايه امشردين انام ونلهف على الدنيه ونبني بية ابيوت ونتعافة ونذل بالخلك هذا وذاك وعلى غفله وزك كدامه التابوت حاظر حاظر واربعينك بعد ماحلت وروحك يل عزيز بروحنه انشبت يل حاظر عساك اتعزي المعزين واتسكت الناعي العبرته احتدت يا عصر الفواتح يازمان الموت كافي امن الذبح مو ناس ماضلت ضاكت كاعنه من اكبور فوك اكبور فوك اكبور اهلنه اكبورنة اتعلت كل يوم ابهبيه وكل صباح ابويب مثل سلت الحصيره الزلم تتسلت
تحياتي
السبت فبراير 20, 2010 9:34 am من طرف 
موضوع: قصيدة(( هذا الموت )) للشاعر عريان السيد خلف 
